呢個係我o地第一個 interview~

面試時間係星期六 11:30 am, 正正係呀仔平時用餐時間...

唯有出門口前先食少少面包, 頂頂肚餓...

在我三吹四請之下, 又將本來約見時間同肥仔講成 11:00 am,

又幸好提早時間出門口, 原來返學路程都幾塞車, 好彩最後無遲到...

到達學校門口, 要行上一條長長o既樓梯...

入到幼兒園已經見到好多正在等候o既小朋友及家長...

可能因為呢個 campus 只係提供 N1, 所以地方不算大...

老師比較年輕, 笑容可掬, 而且態度親切,

登記過後, 就要輪後入班房面試,

要呀仔正正經經坐o係到等係一件十分困難o既事,

所以, 等候期間佢好不客氣地週圍 "探索",

等o左十幾二十分鐘左右, 老師分組叫家長及小朋友入課室,

面試過程十分輕鬆, 只係小朋友自己玩,

老師在旁觀察, 記憶中老師好似無向小朋友提問問題....

然後再問家長簡單問題, 如日常邊位負責照顧小朋友, 平時帶小朋友去邊到玩, 有無返 playgroup...

至於, 呀仔o既表現...

入到課室已經急不及待玩枱上面o既 blocks,

玩無幾耐, 發現新大陸, 於是急忙走去到旁邊o既書架攞書...

還好, 叫佢將圖書放回原位佢都好比面地聽從指令...

之但係放回原處後, 佢又再攞出o黎, 重一人派一本比我地, 包括同枱 o既小朋友同家長...

之後又走去摸貼在牆上面o既貼堂勞作, 我真係驚比佢撕晒落o黎...

最後, 老師表示 interview 完畢, 家長可以週圍參觀校舍,

呀仔又一枝箭衝去開門... 

一邊參觀, 見到其他班房正在進行面試,

佢又走去開門, 叫都叫唔停...

最後唯有抱起佢, 免得佢又再失禮...

相信目睹一切o既老師都暗地裹叫 "驚驚",

假若收o左佢真係有排唔得閒...

所以...都唔諗太多...

得與唔得都無辦法控制, 始終小朋友年紀細, 當日表現如何真係好是乎佢當日心情...

平常心啦...